الدم قُصاد الدم! ما بنقبل الديّة
جريدة الرأي العام إعلان إستقلال السودان من داخل البرلمان ١٩٥٥

تابع السودان و العالم إحتفالات وتعازي أُسر الشهداء في في “ملياريات” ذكرى ثورة ديسمبر الخالدة.
رحم الله شُهداء الثورة وصبر ذويهم وشفى الجرحى وجمع بالمفقودين وهو الرحمن الرحيم الشافي والجامع الرقيب.

شوف يا مؤمن سُخريّة الأقدار

إعلان إستقلال السودان من داخل البرلمان ١٩ ديسمبر ١٩٥٥

جريدة الرأي العام إعلان إستقلال السودان من داخل البرلمان ١٩٥٥

تجربة دامت ٦٤ سنة

ولا عملنا فيها اي شي. تمارين بس. 

صورة من داخل البرلمان في إعلان إستقلال السودان ١٩-ديسمبر-١٩٥٥

ثورة ديموقراطية إنقلاب، ثورة ديموقراطية إنقلاب.
اللهم أبطال الجزو ديل شوية “مُختلفين” اللمبي وعلي عثمان وكتايبو وحميدتي. ما تنسى ابن عوف – (كومبارس ٢٤ ساعة). وبرضو ما ننسى الطفرات الجينية، ناس حسين خوجلي والــ ٪٩٨ بتاعنو والطاهر وحتى الشافعة الجابوها ناس حميدتي خلوها تغني “الدعم جا“. وختاماً بطاقم مليونية الزحف الأخضر. ديل كلهم وغيرهم مرتبطين ووداد ام جضوم. بلخصوا لينا تجربة النظام ده ومدى هوانو! وكأن الشعب السوداني كان محكوم بالفُقرا والدجّل.

عصابة الكيزان وحكومة الإنقاذ في نظام البشير

بس كمان ما ح ننسى الوقفوا مع الثورة وقت الحوجة وبدون مكاسب او لمصالح شخصية. الملازم أول محمد الصديق وحامد ودفعتو وكل ضباط وافراد الجيش الشُرفاء الوقفوا وضربوا ذخيرة في عين الكوز المُندس. وشرفاء الشرطة القدموا مواقف بطولية وقدموا شهداء زي الشهيد نزار النعيم الشاهد على مجزرة فض الإعتصام.

إحفتاء الثوار بأحد جنود قوات الشعب المسحلة الشُرفاء السوداني

إستقلال السودان من داخل الميدان

مليونيات ١٩ ديسمبر ٢٠١٩

ثورتنا ما ربيع. ثورتنا صيف حارق حرق الكيزان وحرق صنمهم المصنوع من صورة مشوهه للدين الإسلامي. بدوها بي (هيا لله هيا لله لا للسُلطة ولا للجاه). وشيوخهم الكانوا بقولوا “إذا شفتونا ركبنا العربات وبنينا العمارات معناها نحنا ما ناس آخرة“.

وهديل هم بنوا العمارات وساقوا الفارهات وحاموا العالم في الإجازات. والشعب السوداني فيهو طفل واقف في إشارة مرور شايل صناديق مناديل ولا لبان ولا سجاير وكبريت يبيع فيهم بدل ما يكون في فصول الدراسة.

السودان الباعة المتجلون من الأطفال

ثورتنا هيا إعلان إستقلال السودان من الكيزان من داخل الميدان. كُل المواكب الطلعت والشعب العبّر عن رفضو لتجربة الإنقاذ ولفظو لكل الكيزان إلى مزبلة التاريخ.

الثورة السودانية شكلت مثال يُحتذى به في كل بلدان المحيط الإقليمي البتشتهد ثورات سموها الربيع العربي.

فليرحل نظام الإنقاذ إلى مزبلة التاريخ

السودان وللمرة الكم أثبت لمُحيطنا الإقليمي انو شعب مُعلم. شعب فاهم. شعب واعي. لازم ترجع للشعب ده هيبتو الدمروها الكيزان ووصلوها للحضيض بي شحدتهم وإهانتهم للمواطن. خلتهم يطفشوا في العالم الاول والتاني والتالت. خلتهم لاجئين ومشردين. لكن هيهات. السوداني طول عمرو رافع راسو. ولو ناسين اتزكروا قصة الراعي

لابُد للهيبة دي إنها ترجع. وتاني قدّر الله خلي واحد من العرب اللينين المبغبغين ديل يهين سوداني بي تعليق او مشاهد تمثيلية وحكومتنا تسكت! برانا ح ناخد حقنا تاني. زمن الدسدسة والغتغيت إنتهى. تاني اي واحد ياخد على راسو والبادي أظلم.

محمد احمد المحجوب مصالحة القمة العربية في الخرطوم

إذا جينا لي دينهم ومدى تمسكهم بيهو. طلعوا كضابين! قارورات الخمر الفاخرة اللقوها في بيوت رموز الإنقاذ بعد الثورة أثبت مدى كضهم. القروش اللقوها تحت السراير. وفي غرف النوم. ولسه في كتير وكتير بس عيب. ما هنا….

قروش في بيوت الكيزان

كونو وداد تكون مطلقة ليها سنتين وحايمة طالعة ونازلة مع بِشّة على اساس سيدة السودان الأولى وكل مُخصصاتا شغاله وتجي تقول لينا إنها مطلقة ليها سنتين؟ الموضوع دة كيف بالله يا عبد الحي؟ مطلقة ده بالنسبة لعلاقتكم في السرير وغرف النوم المليانية قروش دي. لكن مطلقة دي وانتي حايمة معاهو كيف بس؟ كيف الإحناك البيش دي؟ أول ما خشى الكركون كبيتيهو ونكرتيهو حطب! يخسي يا خاينة! كدة يا وداد؟!

الأربعاء 9يناير2019 وداد بابكر مع البشير ىفي نفرة سلام السودان

وداد بابكر في نفرة السلام لتأييد البشير – الأربعاء ١٩ – ياناير – ٢٠١٩ – الساحة الخضراء سابقاً (الشُهداء حالياً) – قناة الشروق

ثورة وعي

 

وعشان ثورتنا دي ثورة وعي. لازم نعرف تاريخنا. لازم نبدى نوثق لي مُستقبلنا. لازم نوعى. لازم نفهم اللينا والعلينا. لازم نعرف تفاصيل كُل الحصل. ولا بُد من الشفافية.

حرر نفسك بي ايديك! أكسر براك قيدك.

حافظوا على نظافة وطنكم!

حملة نظافة السودان من الكيزان

أبداك من وين

كيف اكون واعي وفعّال؟

بسيطة جداً. والموضوع يُعتبر هواية ثانوية في اوقات فراغك. والله يخلي الفيس بووك وعمنا قووقل وشلتو وزي ما ردم الدقير غندور وقال ليهو الإرشيف في ضغطة زر. 

نحنا هنا كمان ح نجمع أرشيفنا. خليكم قريبين. وإذا عاوز\ة تشارك\ي في تجميع ارشيفنا حبابكم. إتصلوا بينا وشاركونا.

زمن الدسدة والغتغيت إنتهى! الناس جابت الدوشكا حيّة. والعلينا في الجاي نكون واعين ومُفتحين. راصدين كل كوز واي جدادة. نفكر في الخبر قبل ما نصدق. نفتش وراهو ونعرف. عشان الإشاعة نكضبا ليك.

أي زول بتكلم بأسم الثورة عاوزين نعرف هو في الـ ٣٠ سنة الفاتت كان بقول في شنو بالضبط. شفنا الكيزان كيف بعد الزحف الفاشل حاولوا يغيروا جلدهم ويجونا بشكل جديد.

الكيزان وتغير اسم قروب المؤتمر الوطني لاسم ثوري

طبعاً في قروبات في الفيس تم تغير إسمها من المؤتمر الوطني ==> لأسامي مرتبطة بالثورة وطبعا ده لكسب الثقه وبعد داك نفث سموم الإشاعات والفتن. خليكم واعين ومفتحين! 

الكيزان وتغير اسم قروب المؤتمر الوطني لاسم ثوري

آآآآ ويين ياااا!

أصحى يا ترس!

الكيزان وتغير اسم قروب المؤتمر الوطني لاسم ثوري

يلا يا شباب، وبحكم قانون تنفكيك نظام الإنقاذ، لا بُدّ من التبليغ عن الصفحة دي وتقفيلها. يتوجب علينا أن نردمهم حيث ثقفناهم.

التغطيات الإعلاميّة

ما بالضرورة دي الصورة الكاملة – اللهم تغطية!

ح نبدا توثيقنا للذكرى الأولى بالتغطية الإعلامية الإقليمية وبعد داك نحاول نجمع كُل اللحظات المرت في يوم ١٩ ديسمبر ٢٠١٩. المواكب والمُدّن والفعاليات الكتيرة. قربوا قريب تشوفوا العجيب!

تقرير قناة الجزيرة عن مليونيات ١٩ ديسمبر ٢٠١٩

طبعاً ديل ناس الجزيرة. النصيحة معانا من بدري. ولكن برضو عندهم أجنداتهم وامورهم البعرفوها براهم. في حدود المهنية معاهم. أول ما يبدوا يعملوا امور كيزان ح يلقونا في الميدان.

وثائقي قناة العربية عن الإخوان في السودان (١)
أسرار تُكشف!

أسرار وتسجيلات كمممممية! كلُ يُغني على ليلاه. ديل طبعاً ناس العربية بضربوا في تركيا و قطر والاخوان عموماً. نحنا مالنا. نحنا زاتنا بنغني يا ليلى ليك جنّ. اللهم نحنا المستفيدين. كل الوجوه الظهرت في التسجيلات دي لازم تتصور وتترتب وكل واحد نبحت وراهو ونجيب ونعرف كل الشغل الإشتغلو. ويتحاسبوا فرد فرد وجماعة.
الجيران، اولاد الحلة، المعاهم في الشغل. لازم الناس دي كل واحد فيهم يطلع ليهو كرت تعريفي فيهو صورتو وتفاصيلو. وما ننسى اخوات نُسيبة الظهرن في التسجيلات دي وحتى بتاع الساوند. 

وثائقي قناة العربية عن الإخوان في السودان (٢)
أسرار تُكشف!

الجزء التاني.. طبعاً سمعنا كده انو في وساطة كويتية عاوزة تحنك مع ناس العربية يبطلوا البث. الحق يا عمك وثق ورتب

إستطلاعات الرأي مليونيات ١٩ ديسمبر ٢٠١٩

ما قصروا معانا في يوم ١٩ ديسمبر. شكراً وكتّر خيرهم. وظفوا اولادنا وعملوا تقرير وكمان إستطلاعات للرأي.

رمزية قطار الثورة

وكمان خصصوا حته كاملة تتكلم عن رمزية قطار الثورة

بالنسبة للحصل الليله

كوكتيل مليونة ١٩ ديسمبر ٢٠١٩

اللايفات طبعاً كانت كمية والليله الناس تلفوناتها إتملت. بس ما اكتر من الناس المرقت. الدامر عطبرة مدني كده سنار كده الغرب كده الشمالية وكده في سنترا. مواكب ما بتتراجع تاني. تقول لي الزحف الأخضر!

الذكرى الاولى لثورة ديسمبر ٢٠١٨

في إنتظار قطار رد الجميل، هزجت عطبرة بالهتاف والأغاني الثوريّة تاكيد لكمانتها المُستحقة في ثورة السودان. مشاعر وعفوية ما حصل شفناها في لمة سبعة كيزان. اغنية حكت ولخصت موقف عطبرة الثابت.

التحيّة لـعطبرة ولأهل عطبرة ولثوار عطبرة. بلد الحديد والنار. في لفته جميلة حيى ثوار الشجرة أهالي عطبرة الطيبة. رسالة من أحد ثوار قطار رد الجميل تُرسم على جدران الثورة تحية شكر وتقدير على حُسن الضيافة والإستقبال والكرم.

إستقبال قطار الخرطوم عند وصولة عطبرة ١٩ ديسبر

إبتداءاً من عطبرة والاُبيض والتلاته قطارات المشت وجات.

إستقبال قطار الخرطوم عند وصولة عطبرة ١٩ ديسبر

كيف إستقبلت شوارع عطبرة قطارات رد الجميل. منظر يديك إحساس تايتنك سوادني. 

إستقبال قطار الخرطوم عند وصولة عطبرة ١٩ ديسبر

ناس عطبرة  راجين الثوار بالفطور واتاخروا. لمن سألوا قالوا ليهم نلس الدامر حلفوا عليهم إلا يفطروا. 

تجهيزات فطور قطار رد الجميل في الدامر

ديل راجين والجماعة جو طاقين.

تجهيزات فطور قطار رد الجميل في الدامر

يا الماري بي شمبات

وما ننسى ناس الحاج يوسف عشان طارق جيبو ما يزعل

المواكب الطلعت في الخرطوم والابيض وعطبرة والدامر وسنار وشندي واييييك كتار ما بنعدو.

إستقبال قطار الخرطوم عند وصولة عطبرة ١٩ ديسبر
إستقبال قطار الخرطوم عند وصولة عطبرة ١٩ ديسبر
إستقبال قطار الخرطوم عند وصولة عطبرة ١٩ ديسبر
إستقبال قطار الخرطوم عند وصولة عطبرة ١٩ ديسبر
إستقبال قطار الخرطوم عند وصولة عطبرة ١٩ ديسبر

طبعاً الكلام ده بالنسبه للناس الما حضرت الحاجات دي… 

إستقبال قطار الخرطوم عند وصولة عطبرة ١٩ ديسبر
إستقبال قطار الخرطوم عند وصولة عطبرة ١٩ ديسبر
إستقبال قطار الخرطوم عند وصولة عطبرة ١٩ ديسبر
إستقبال قطار الخرطوم عند وصولة عطبرة ١٩ ديسبر
إستقبال قطار الخرطوم عند وصولة عطبرة ١٩ ديسبر

حضور أسر الشهداء في المواكب والفعّاليات المختلفة

إستقبال قطار الخرطوم عند وصولة عطبرة ١٩ ديسبر
إستقبال قطار الخرطوم عند وصولة عطبرة ١٩ ديسبر
إستقبال قطار الخرطوم عند وصولة عطبرة ١٩ ديسبر
إستقبال قطار الخرطوم عند وصولة عطبرة ١٩ ديسبر

مشاركة الإحتفالات مع شرفاء الجيش في القيادة

إستقبال قطار الخرطوم عند وصولة عطبرة ١٩ ديسبر

شارك المحتوى على قنوات التواصل

سيدهم الإمام

الصادق المهدي وأمورو المااا دسيسة

هل تعلم انو وفي طوال فترة حكم الإنقاذ، الصادق كان محروم انو يمشي يحضر ولاحتى طهور في الجزيرة ابا؟ ويقول لينا انهم ناس البوخة. لولا الثوار ولولا الشباب القيلوا وباتوا في القيادة هناك وفي الترس ماتوا ما كان يحلم الصادق بزيارة للجزيرة ابا. شكراً ما قالها! مشى عمل فيها بطل قومي.

الصادق اللي سحب خيمتو من القيادة قبل المجزرة بساعات. الصادق الديناصور مُدمن السُلطة. اسي جايب لينا ولدو العبيط البجي داخل استوديو تلفزيوني على ظهر حصان! عشان تعرف انو زاتو حصان – (حصان طروادة)

عاوز يورثو الشغلانه. لكن على مين. على اي حال. دة موقفنا الثابت من الأحزاب عموماً ومن الصادق المهدي تحديداً

ومُش كان ولدك إعتذز للشعب السوداني… كان إتمردغ في الواطه دي وسفًّ التُراب… مافي ليهو رجعة تاني ولا لي اي حزب فشل طوال الـ٣٠ سنة العدت دي…. خلاص! البينا كان آيسكريم وساح.

وبي مناسبة ولدو العاوز يورثو ده، عندي ليكم قصة حصلت لي حكاها لي واحد صاحبي. وعلى من يهمهم الأمر يأكدوا لينا او ينفوا.

في التسعينيات… كتبية متحركة على مناطق العمليات. كُل الكتيبة خالفت تعليمات… السبب… عدم وجود الفارس المقدام ابن الصادق المهدي في الكشف المتحرك على مناطق العمليات. الظاهر الناس ديل ناس هز بس وسط العوين في المناسبات والاغاني. 

لحظات من ثورة

مجموعة فيديوهات من الثورة

عشان عيون أطفالنا ما تضوق الهزيمة

بواسطة Omar Qadi

أجمل هُتافات الثورة

الجبهجي الكضاب

بواسطة  Rashad Nageeb

حتماً الظالمون سيذهبون

بواسطة  نبض الثورة

جردل مان - كنداكة

من أبطال الثورة.. يعرفون كلاب الأمن ويعرفونهُم

ثورة في غُربة

فعّاليات سودانيي المهجر

ثوار مدينة لندن وجميع مدُن المملكة المُتحدة

صورة في إحدى مظاهرات لندن. صورة الشهيد أحمد الخير أمام الشهيد محمد هاشم مطر

المظاهرة السودانية الهادرة بـواشنطن عند دخولهم ساحة البيت الابيض الامريكي ١٦ فبراير ٢٠١٩

مظاهرة بروكسل 2مارس 2019 – مبادرة سودانيي اوروبا

ايقونات الثورة

بعض من ايقونات الثورة

حامد عثمان حامد

حامد الجامد

نقيب بالـجيش السوداني من الدفعة 14 تقانة، ينحدر من منطقة حجر العسل الواقعة جنوب ولاية نهر النيل شمال الخرطوم.

كان من أوائل الضباط الذين انحازوا للمتظاهرين أثناء اعتصامهم أمام القيادة العامة للـجيش السوداني الذي بدأ في السادس من أبريل/نيسان الماضي.

وفي اليوم الثاني للاعتصام حاولت قوات أمنية -لم تثبت هويتها- فض الاعتصام بالقوة إلا أن النقيب حامد تصدى لهم وبدأ في إطلاق الرصاص في الهواء لتحذيرهم من مهاجمة المعتصمين وتبعه زميله في الكتيبة النقيب يوسف الجيلي.

وخاطب حامد المعتصمين، “سأحميكم حتى آخر قطرة من دمي”، رافضا الامتثال لأمر قائده اللواء في الجيش، وقام بنزع شارته وقبعته العسكريتين وسلمهما للقائد لكنه رفض تسليم عربته العسكرية.

إبراهيم عبد الرحيم

شوتايم

من مواليد مدينة الفاشر عاصمة ولاية شمال دارفور. درس مراحل التعليم الأولى بـالفاشر، ثم التحق بـجامعة الخرطوم تخصص علوم المختبرات، وحجبت نتيجته لأسباب سياسية؛ حيث كان ناشطا سياسيا وشغل منصب أمين العلاقات الخارجية لطلاب دارفور بالجامعة لأربع دورات متتالية من 2013 حتى 2018.

تعرض للاعتقال والتعذيب على يد قوات الأمن والمخابرات وقوات مكافحة الشغب أثناء فترة دراسته الجامعية. واصل نشاطه السياسي المعارض بعد فترة الجامعة، وانضم إلى حركات الحقوق المدنية.

نال شهرته الشعبية في أوساط السودانيين داخل وخارج البلاد بفضل نشاطه الإعلامي، حيث كان يتابع بكاميرته حوادث انتهاكات حقوق الإنسان في عهد النظام السابق، وحتى أحداث ثورة ديسمبر/كانون الأول، خاصة اعتصام القيادة العامة الذي بدأ في السادس من أبريل/نيسان، وتم فضه بدموية في الثالث من يونيو/حزيران 2019 

رفقة عبد الرحمن

صائدة البمبان

من منطقة الحلفاية بالـخرطوم بحري.تدرس هندسة كهرباء/المستوى الأول بـجامعة الخرطوم. تقول إنها المرة الأولى التي تتعرض فيها للغاز المسيل للدموع (المعروف في السودان بـالبمبان) وكانت عند خروجها في مظاهرة طلابية في 19 ديسمبر/كانون الأول 2018.

بعد ذلك صارت ترتدي القفازات في يديها عند خروجها للمظاهرات حتى تصد عبوات البمبان وتردها نحو قوات الأمن.

شاركت في فعاليات الثورة منذ انطلاق المظاهرات مرورا بـالاعتصام الشهير في ساحة القيادة العامة للجيش بـالخرطوم حتى تم فضه في مجزرة يوم 29 رمضان، وتعرضت خلال ذلك للاعتقال خمس مرات في مسيرات بمناطق مختلفة بأم درمان والخرطوم والخرطوم بحري.

لكن بداية شهرتها كانت عند عرض مقطع الفيديو الشهير الذي يصورها وهي تلتقط علبة بمبان وتعيدها نحو قوات الأمن مرتين

محمد يحيى بشير

دسيس مان

شاب من غمار السودانيين، سطع نجمه بفضل عفويته وبساطته بين الشباب في ميدان الاعتصام أمام القيادة العامة للجيش السوداني بوسط الخرطوم، وأصبح أيقونة للهتافات البسيطة لكنها كانت ملهمة وموحية للمعتصمين، وشكلت صوتهم وهويتهم، وسرعان ما انعكس صداها في أوساط السودانيين بالخارج، فنال “دسيس مان” شهرة واسعة عبر الوسائط وأجهزة الإعلام العالمية.

مثل معظم شباب جيله من المهمشين نال “دسيس مان” حظا قليلا من التعليم الأولي، ثم التحق مجندا في قوات الشعب المسلحة سلاح المظلات الفرقة التاسعة المحمولة جوا، وأثناء خدمته هناك أصيب في يده وساقه، وسرعان ما أحالته لجنة طبية إلى التقاعد “لعدم اللياقة الصحية”.

يقول “دسيس مان” إنه منذ إحالته إلى التقاعد في 2015 لم يتقاضَ حقوقه من القوات المسلحة، متهما إياها بـ”التسويف والمماطلة”، وعاش خلال هذه الفترة حياة الفقر والبطالة

مراحل الثورة الحرجة

نرجع شوية ونشوف أبرز مُنعطفات الثورة

نرجع للمهم
عشان ما نكون معدنها ونسة وصور ومواكب. عاوزين نعرف حققنا شنو لحدي اليوم. هل ثورتنا حقتت كُل مطالبنا؟ شنو هي اسباب التراخي والبطء؟ هل اسباب منطقية ولا عدم جدية؟ شنو الممكن يتعمل عشان يسرع في استكمال اهداف ثورتنا؟ وين المجلس التشريعي؟

ايداع البشير في سجن كوبر بعد خلعة
ايداع البشير في سجن كوبر بعد خلعة
ايداع البشير في سجن كوبر بعد خلعة
ايداع البشير في سجن كوبر بعد خلعة
ريشة عماد عبدالله

أول بوادر الثوره وتحقيق أهدافها. غير محاكمة البشير الطفولية ديك.. النطق بالحكم في قضية مقتل الشهيد الأستاذ احمد الخير

المؤتمر الصحفي

المؤتمر الصحفي عقب النطق بحكم الإعدام على ٢٩ نت الأمنجية

الإعلام وما أدراك ما الإعلام

افشل إعلام في الدُنيا

طبعاً الكلام في الموضوع ده بمغّس ومافي داعي لرفع الضغط. كلنا عارفين انو إعلامنا قبل الثورة كان إعلام باطل. وخليك من حسين خوجلي والطاهر. ديل  ما طفرات جينية! لكن الباقين ديل..؟ طبعاً كلهم ح يقولوا ليك إنهم كانوا عبد المأمور واكل عيشهم والحنك البيش ده! نحنا تاني زاتو إعلامي بهتم بأكل عيشو اكتر من الوظيفة ده ما عاوزنوا. دي أول حاجه. 

أمّا التقيل. والكلام ده حتى وإذا جرح ناس اليجرحهم! جرح الوطن أعمق. بإختصار… الإعلام عندنا في السودان بنات سمحات وأغاني. صاحب راس المال بجي يحنك مع الموظفات ديل كووووولهن… إلا من رحم ربي او لظروف تانية. ونحنا شباب وعارفين يعني. الكلام المُنمق البتنكروا بيهو الإتهامات دي ما بخارج معانا. عارفين وشايفين وسامعين. واسأل اي إعلامي خصوصاً الشغالين في القنوات الخاصة، بوريك الزيت واسألو عن المؤهلات والمُعاينات وكيف البنات الحلوات ديل بتم توظيفهم. وكيف الشباب بقدموا قرابين من أجل التوظيف. عشان ما نصرف عربي كتير بس. إعلامنا محتاج فرمطة من أول وجديد جرائد على تلفزيون على إذاعة على إعلام إلكتورني. وأنت\ي لو جد صادقين… ما بتمانعوا إعادة التأهيل

أول بادرة لإصلاح الإعلام في الفيديو الجاي ده عملتو قناة الجزيرة مباشر. شوف الزنقة وأعرف لي نفسك.

وقبل ما نخليكم مع باقي الفعاليات من يوم ١٩ ديسمبر ولحدي الإستقلال. أبقوا عشرة على القضية. البلد دي بلدك والخير ده خيرك. لابد نحرسوا ونطوروا. ما تطمع عشان تركب عربية وجارك ما لاقي يتعالج. وأبداها بي نفسك وبالحويلك شوية شوية نبقى أعزّ أُمة. نبقى حزمة كفانا المهازل.

حنبنيهوا البنحلم بيهوا يوماتي… وطن شاااسع حدّادي مدّادي

كوكتيل الذكرى الأولى

فعّاليات يوم ١٩ ديسمبر ٢٠١٩ وما بعده

ديل كمان شفّاتة كاتمنها في ساحة الشهداء. يهفتوا بإسم حمدوك محل زمان بِشّة كان بهاوش الناس بعصايتو. تتزكروا؟ زمن الصاجات.

أغاني الثورة

اعمال فنيّة صاحبت الثورة

وزي ما كُل ثورة قبل كده جات بي اغانيها… ثورتنا دي كمان جات بي اغاني… لكن ما بنمجد لينا زول واحد… لالا ابداً دي ثورة شعب كامل قدم “ممُثلين” عنو وديل الشهدا والجرحى والمفقودين والمُعذبين من ١٩٨٩. ديل هم اليستاهلوا الشُكر وليهم نجُر النم ونقول.

لوحات من الإبداعات الفنية تجدونها في قسم أغني لشعبي في “كبسة الزر” أدناه

ريشة عماد عبدالله

عمل فني يُخلد شهداء الثورة

ريشة عماد عبدالله
ريشة عماد عبدالله
ريشة عماد عبدالله

شارك المحتوى على قنوات التواصل

شاركنا برأيك

اترك رد

الما ربتو هديّة، تربي الإصلاحية

واحد من هتافات الثورة اليوم

الرجاء المحاولة في وقت لاحق أو من هاتفكم الذكي

عفواّ لُمتابعة المحتوى، الرجاء الدخول من الهاتف الذكي او الكمبيوتر اللوحي.. أو المعاودة في وقت لاحق. شكراً لتعاونكم

تواصل معنا

قم بمراسلتنا عبر الإستمارة

2 + 5 =