تم إعتماد سفير السودان محمد عبد الله إدريس سفيراً لجمهورية السودان لدى المملكة المُتحدة يوم الأربعاء ١٦ أكتوبر  ٢٠١٩ بعد تقديمه أوراق إعتماده لجلالة الملكة إليزيبيث الثانية. واعداً بتطوير العلاقات بين البلدين.

كما بعث برسالة  مفتحوحة للجالية السودانية عبر موقع السفارة بلندن بتاريخ ١١ – ابريل – ٢٠٢٠ مترحماً على من إنتقلوا إلى جوار ربهم من السودانين ومثمناً على مجهودات الجالية السودانية بالمملكة المُتحدة.

نود في هذة السانحة ان ننتهز رحابة صدر سيادتكم وإهتمامكم بجاليتكم السودانية في المملكة المُتحدة لمُناقشة بعض النقاط المتعلقة بالجالية السودانية وما يمكن لسفارتنا المُساهمة به لدعم شعبكم بالمملكة المُتحدة.

تم إعتماد سفير السودان محمد عبد الله إدريس سفيراً لجمهورية السودان لدى المملكة المُتحدة يوم الأربعاء ١٦ أكتوبر  ٢٠١٩ بعد تقديمه أوراق إعتماده لجلالة الملكة إليزيبيث الثانية. واعداً بتطوير العلاقات بين البلدين.

كما بعث برسالة  مفتحوحة للجالية السودانية عبر موقع السفارة بلندن مترحماً على من إنتقلوا إلى جوار ربهم من السودانين ومثمناً على مجهودات الجالية السودانية بالمملكة المُتحدة.

نود في هذة السانحة ان ننتهز رحابة صدر سيادتكم وإهتمامكم بجاليتكم السودانية في المملكة المُتحدة لمُناقشة بعض النقاط المتعلقة بالجالية السودانية وما يمكن لسفارتنا المُساهمة به لدعم شعبكم بالمملكة المُتحدة.

من البداية

ما عندنا رأس هرم. بمعنى… كل مجموعة من السودانيين (في اي مدينة من مدن بريطانيا) يجتمعوا ويقرروا عمل جالية. وعلى حسب قوانيين بريطانيا لا بُد من طلب تسجيل هذا الكيان بصورة رسمية عند السلطات المحلية المتمثلة في المجلس.

،، ومن باب العلم بالشئ… هنالك مجالس في بريطانيا وخصوصاً لندن اصبحت ترفض طلبات تسجيل الجاليات (مجتمعات) السودانية نسبةً للعدد الكبير من الجاليات المُسجلة مُسبقاً… وعلية يتم رفض التسجيل،،، وللأسف،،، تتم إعادة المحاولة في مجالس ومحليات أُخرى.

يعني بإختصار شديد،،، الشغلانية بقت كالتالي،

  • النصاب الحشد

    كم وتلتين زول يتملوا ويوقعوا انهم بصدد عمل جالية ||مجتمع||
  • الأمناء سجل المُنظمات

    تلاته اربعة خمسة منهم يتقدموا لتسجيل أسماءهم وتفاصيلهم في أوراق التسجيل الرسمية
  • فتح الحسابات البنكية بداية الشكلة

    فتح حساب خيري في احد البنوك البريطانية بصورة رسمية
  • المقر تستعجب!

    البحث عن مقر للمُنظمة وعنوان ثابت لكل المراسلات الحكومية وغير الحكومية، مرات يكون جزء من دكان،، مرات كم منظمة متشاركين في قهوة،، على حسب الإمكانيات،، ومرات كتيرة المقر يكون عنوان شقة سكنية

بالنسبة لتجاربنا بعد داك لقينا انو بعد اربعة خمسة شهور من فتح الحساب في البنك الناس (الأمناء) بتشاكلوا، وتبدأ مرحلة التخوين، والإقصاء وحملات تشوهية السمعة والحملات المضادة وتبادل الإتهامات. الناس تلقاها نست هدف عمل “الجالية” او المنظمة او اي مسمى خيري وانشتعلت بمشاكل! طبعاً الكلام ده ما في كل حالة، هنالك الجاليات المؤسسة ذات الخدمات الأكاديمية والإجتماعية وغيرها. ولكن،، ده الحاصل.

وبعد ما عملنا بحث في السجلات الحكومية، اتضح لينا الكم الهائل من المُنظمات المُسجلة سواء بواسطة أشخاص سودانيين او تحمل في وصف طبيعة نشاط يتعلق بالسودان أو السودانيين. مع كل التفاصيل المالية من منح وميزانية وحسابات سنوية.

ونحنا بنتساءل كشباب سوداني موجود في المملكة المُتحدة..

 

 

تساؤلات

السودانيين هنا يا معاليك بتواجهم مشاكل كتيرة وبسيطة وما بلقوا الدعم إلا من المجتمع القريب من اصحاب وأهل ومعارف. أسأل رموز جالياتنا هنا. عن الصالات البتتأجر “بالشرينق” للعزاءات، لعدم وجود مقر دائم للجالية. أسألهم عن القهاوي البتم تأجيرها وإستثمارها كنوادي إجتماعية وهي اصلاً مقار لمنظمات، اسألهم عن احوال السودانيين الوافدين جديد. اسألهم عن عدد السودانيين بالسجون. ما حتلقى إجابة من جسم معين. ممكن تلقى ونسة اصحاب ومعارف.

يا معاليك أنصح أي سوداني بواجة مشكلة انو يحاول يتواصل بمكاتب الجالية السودانية عشان تساعدو في مشكلتو وح تلقى المختصر المفيد لتساؤلاتنا.

جالياتنا –لندن– يا معاليك دخلها السنوي لا يتعدى ال ١٠ الف جنيه إسترليني. هل تتوقع انو بإستطاعتها توفير مقر دائم ونادي إجتماعي وبيت سوداني..؟؟ جالياتنا يا معاليك ما بتعرف حاجة حتى عن بيت السودان الإتباع. وأما إذا عارفين وساكتين يبقى الكلام تاني.

المُبادرة

بنتمنى من معاليك إنك تبتدر مبادرة لإعادة هيلكة وإصلاح الجالية السودانية. إصلاح ما يكون فيهو تاني إنتخابات بالدس، ما يكون فيهو فرز اصوات في البيوت. عاوزين برلمان عديل للجالية السودانية تتمثل فيهو كل الجاليات من كل المناطق. وعاوزين مكتب علاقات عامة داخل السفارة يهتم بالتفاصيل غير الدبلوماسية او الرسمية كمركز للمعلومات والمساعدة والإحصاء. لانو مركز معلوماتنا من ٢٠١٥ ما عمل ولا تغريدة وحده، وهو كذلك موقعهم الرسمي. عاوزين يكون عندنا إذاعة ولو حتى نذيع فيها الوفيات ساعة في الأسبوع. وشبابك الهنا ما شويه.

يا معاليك جاليتنا أصابها ما أصاب جميع مؤسسات الدولة في عهد الإنقاذ. إتفكفكت مجتمعاتنا لتكتلات وشُلليات، فقدنا أصولنا من المباني وتم بيعها بصورة مشبوهة. كل الحصل نسخة بالكربون من الحصل في السودان. عشان كده،، لازم تتم إعادة النظر. ونحنا في الآخر عندنا تلاته اسئلة محتارين في اجابتها.

  1. علاقة الجالية السودانية بالحكومة البريطانية؟

  2. علاقة الجالية السودانية بالحكومة السودانية؟

  3. ما هو الجسم الذي ينظم عمل الجالية؟

اترك رد

تواصل معنا

قم بمراسلتنا عبر الإستمارة

7 + 8 =