فضل شنو ما اتباع …؟

كلمات الاغنية

وشين فايدة التطبيع  والناس بشوفها جياع
لا لاقية سد .. رمقاً غير بس تعيشو ضياع

***

وين العهود ووعود ووين الاتفقد واتباع
خلو العشم في الناس يمكن امل ما ضاع

***

ما دام دا منهجكم خلوهو اليُبث وينذاع
عاد تاني شين فضّل غير ندمن الاوجاع

***

وغير ذكري من ماضي ما بنرضي ليه ارجاع
باكر بلدنا يطيب ويتزايدو الصناع

***

ويكفو سد حاجتو وتتحسن الاوضاع
يا اللسه في التطبيع حاسب الزمن لو ضاع

***

تبقالنا فرجة وعار للهاوي استمتاع
خلونا في حالنا وانسوهو حرب وصراع

***

يا ساسة التخريب والقتل بي ابداع
لمتين هو عاد راجين باقي الفضل يتباع

***

ونصبح كما عايزين نتحاشي ضحكو رعاع
بتمنو فينا دمار وكمين دبل من صاع

***

باكر بلدنا يطيب من شلة الاوجاع
نهضة ووبناء ومعمار  متعدد .. الانواع

***

وللكل يصل صوتنا بالتلفزة ومذياع
ياها البلد زاتها خالية أسود وضباع

***

لا جبهة لا كيزان لا لاغي لا جعجاع
لا فينا خاين وجبان ويانا البثور وشجاع ..