كورونا الضربة القاضية – أوبريت

كلمات: أشرف علي الله

أداء: سامي عز الدين، ماهر سامي، عمار فرنسي،  عثمان بشة، محمد عيسى 

هندسة صوت:  حجاج

 

 

كلمات الأغنية

نحنا ما بصيبنا الا الكاتبو لينا الله،، بس بنعقلا ونتوكل بوعي وإيمان نتحلى

الحافظ الله

نحنا حلنا الوقاية والوقاية في وعينا

نغسل الايد بي عيناية والصابون حماية لينا

اصلو ما نمس وجوهنا كلو كلو بي ايدينا

عطسة كحة في منديلنا ولا في الكوع يا خِلا

ما تتجمعوا وتتلموا والبسوا الكمامة حبة

نصبر الايام يعدن؟ ولا نفقد الأحبة؟؟

ما نخاف الموت ده واحد ما نسوي الحبة قُبة

بي وعينا والوقاية اي مشكلة بتتحلى

***

لون الفاكهة برتكانا البقوي للمناعة

والخدار دع طبعاً اصلاً زيو مافي يا جماعة

والمعلومة أكدوها ما تنساقوا للإشاعة

أنشروا الوعي الموثق ما تزيدو الطينة بلة

كل يوم تجّري دمك المناعة في الرياضة

خلي نومك انت كافي خلي نومك بدري عادة

والبقوم يصلي بدري دنيا وآخرة دي السعادة

فرصة تتغير حياتنا روحنا زاتا تروق وتحلى

***

زيدوا من شراب الموية واشربوا الحاجات الدافية

ديل بودو لي كورونا جهة المعدة وبس دي كافية

دور المعدة تدي ضربة قاضية ونحنا نلقى العافية

تاني يا حليل كورونا حقو راح وزمنو ولى

***

الزموا البيوت شوية واي اسرة جوا دارا

والبشك في نسفو احسن ليو يبلغ الوزارة

احمي اهلك احمي نفسك قبل ما تقع خسارة

العزل ده من زمان عليهو رسولنا الهادي دلّ

تعليقاتكم...

تواصل معنا

قم بمراسلتنا عبر الإستمارة

6 + 1 =

%d مدونون معجبون بهذه: