ياتو مُبادرة…؟

سمعنا كتير عن المُبادرات المطروحة من جهات مختلفة للمُساهمة في رفعة وتقدم الوطن – السودان.

وكمان سمعنا عن مجهودات اقل تواضعاً تمت من جهات اثناء ذروة الثورة وعُنفوانها لمُساعدة شخصيات مُعينه على مُتابعة النضال. ولكن تمخضت هذهِ المجهودات المُتواضِعة لمُلاسنات كلاميّه حول “الهدوم” و “الفنايل” وتذاكر الطيران – طبعاً عارفين قاصدين منو. ناس ذوالنون ولؤي محترم والشُلة ديل في فضيحة القروش واتهامات لؤي لـذوالنون في سرقة فلينة “وظهر بيها في اللايف الفلاني” وتم عمل حلقة كاملة من برنامج ظلال الحدث على قناة تاسيتي عشان يناقشوا موضوع منو الدفع القروش لي ذوالنون حقت التذكرة.

يلا ده صراحة  “طلس” ساي، مافي داعي الناس تضيع فيهو زمن. المهم… يا أخوانا… المُبادرات الوطنية دي بتم عبر آليات مُعينة تضمن الشفافية والثقة والمصداقية. ما ممكن أي زول عندو حبة زمن في يدو يقول للناس يلا و #حنبنيهو  وارح وتبرعات والناس تتبرع وبعد شوية نلقى الشكلة في فلينة.

يا اخوانا.. السودانيين بتبرعوا لأكتر من ٢٠ سنة داخل وخارج السودان. وين المشاريع التمت دي؟؟ إذا حقيقةً في مشاريع تمت يبقى السؤال هو ليه الناس لسة بتطالب بتبرع لعمل مشاريع؟؟ وللاسف تلقاها نفس المشاريع ونفس المُسميات وحتى نفس الأسلوب الخطابي.

على اي حال.. نحنا هنا بناقش مثال واحد للمُبادرات دي البتتكلم عن إنها على تواصل مع #حمدوك شخصياً والحركات المسلحة وكل المكونات المدنية والسياسية وهي مُبادرة بناء السودان اللي طرحها الـ[لسة ما دكتور] عبد الله البشير (أبو خالد) عبر صفحتة على الفيسبووك هنا.

… نتفاجأ اليوم بمُبادرة رئيس مجلس الوزراء الدكتور عبد الله #حمدوك تُبث عبر وكالة السودان للأنباء موجهة للشعب السوداني داخل وخارج السودان تحمل إسم القومة للسودان.

بالجد كدة يعني!

ياتو مُبادرة…؟

علي اي حال… دي خطوات الدفع لُمبادرة #حمدوك عبر تطبيق mBOOK لبنك الخرطوم.

افتح\ي التطبيق في تلفونك وادخل في حسابك وأضغط\ي على دفع فواتير

أختار\ي خيار خدمات حكومية

أختار\ي مُبادرة القومة للسودان

EBS Sudan

تحديث

شارك برأيك

 

تعليقاتكم...

تواصل معنا

قم بمراسلتنا عبر الإستمارة

14 + 10 =

%d مدونون معجبون بهذه: