ثورتنا يادوب إبتدت، نبنيهوا أحمل بلد!

+44 7776336 111 info@ya-shabab.com

ألحان وتأليف وتوزيع: أوّاب عبد الهادي

كورس: أحمد علي & لولي محمد

Bass: عمر أدهم  ، Piano: احمد عاصم 

إنتاج: علي عبد الرحيم

على

 

إستماع صوتي MP3

كلمات الأُغنية

كُل يوم جديد ونحنا بنفقد في شهيد، امسحي دموعك يُّمة بُكرة صباحنا يبقى عيد

بدايّة جُجملة داير اقولا لكل مُستمع عشان اوصل كم رسالة بيها الشعب مُقتنع
ثورتنا لسة قائمة بي رجالا وبي نسوانا صوتنا العزة يلا فوق مستحيل لو ينقمع

واقفين والشعب واقف كل يوم فرد بزيد واقفين لكل أُم في يوم تفقد شهيد
واقفين لصوت الظلم البضرب في الشيخ الزهيد واقفين عشان كلمتنا تبقى معنى في القصيد

الكلمة لم تطلع اساسها معنى القول وأي كلمة حق ما معناتا من مسؤول
الثورة لسة قائمة والشعب لسع بقول إنو “الطلقة ما بتكتل بقتل سُكات الزول

الشعب لمّ إنتفض ما إنتفض بي ضمان، الشعب لمّ إنتفض بعد الذلة والهوان
والشعب ما ح يرجع راكز في وسط الميدان – نحنا مرقنا سلمية من غير طلقة ولا بمبان

داون تاون وسط البلد من شارع الحُريّة يد في يد طلبة وعُمال ومُزارعيّة
رجال وحريم طالقين زغروتة عجرية طالعين في ثورة شعبية ضد الظلم\الخوف سليمة

أشعارنا شاقة جوف الخوف بلسان حال الكادحين هتفنا والنضال هدفنا مصيرك يوم ح تفنى
يا حاكم أنفاسي، إنت وباقي الكراسي كنتوا السبب في المآسي الكاوية ناسي الشاغلة راسي

٣٠ سنة وزُهاء ماسك كُرسي السُلطة ياخي باصي!
يُمة كفاك نواح أخوي مات عشان نرتاح عشان يغشانا يُمة صباح

مات عشان الناس الـ بالجوع بتألموا، عشان اخواني الصُغار يتعلموا
عشان عينينا ما تغشاها يوم هزيمة وابقي ادعي ليهو ديما

يا بلد هرّمنا السُكات والكلام الـ بالدس
Mr. President
بس تسقط بس!

باحث عن الحقيقه بالمزيكة يا بلد! انا الولد الفيك إتولد وتقاسمو بقت ركية
بقول ليك اديني سبب عشان افضل فيكَّ وانا اديك ألف يجبُرني اخليكَّ

صوت طالع من عُمق الجوف كاسر الخوف حُرقّة وألم مكسور جواي ملتوف
يا بلد!

 

 

 

 

أرسل

لن يتم نشر عنوان بريدك الإلكتروني. الحقول الإلزامية مشار إليها بـ *

تواصل معنا

قم بمراسلتنا عبر الإستمارة

6 + 4 =